Naxçıvan Dövlət Filarmoniyası estrada orkestrinin konserti təşkil olunub » OĞUZ YURDU
Contact Us






Naxçıvan Dövlət Filarmoniyası estrada orkestrinin konserti təşkil olunub

Baxılıb: 12



Naxçıvan Muxtar Respublikası Mədəniyyət Nazirliyinin tabeliyində olan mədəniyyət müəssisələrində, mədəni-maarif ocaqlarında istirahətin səmərəli təşkili, asudə vaxtın mənalı keçirilməsi üçün müxtəlif tədbirlər davam etdirilməkdədir.
“Naxçıvan Muxtar Respublikasının yaranmasının 95 illiyi”nə həsr olunan tədbirlər çərçivəsində rayon Mədəniyyət Sarayında, Naxçıvan Dövlət Filarmoniyası estrada orkestrinin konserti təşkil olunub.
Naxçıvan Dövlət Filarmoniyası estrada orkestrinin  konserti  təşkil olunub
Tədbir başlamazdan əvvəl bildirilib ki, bu musiqi kollektivi repertuar zənginliyinə diqqət yetirməklə ictimaiyyət qarşısında müxtəlif tarixi və əlamətdar günlərlə bağlı keçirilən tədbirlərdə konsert proqramları ilə çıxış edir.
Bədii rəhbəri Azərbaycan Respublikasının Əməkdar mədəniyyət işçisi Nizami Məmmədov, dirijor Elvin Əliyarov olduğu orkestr konsertə Emin Sabitoğlunun “Kəpənək” mahnısının ifası ilə başlayıb. Azərbaycan Respublikasının Əməkdar artisti Tural Nəcəfovun “Gəl ey səhər”, Naxçıvan Muxtar Respublikasının Əməkdar artistləri Azər Cəfərli və Elçin Nağıye­vin ifa etdikləri “Bağçamızdan keçmisən”, “Badamlı” və başqa şən və lirik mahnılar iştirakçılarda xoş ovqat yaradıb.
Konsertdə orkestrin solistləri Rahim Əsgərzadə, Samir İsmayılov və İlkin Abdullayev Azərbaycanın tanınmış bəstəkarları Tofiq Quliyev, Emin Sabitoğlu, Polad Bülbüloğlu, Elza İbrahimova, Nəriman Əzimov, Nizami Məmmədov, Oqtay Kazımi və başqalarının populyar mahnılarını ifa ediblər. Solistlərin ifa etdikləri bəstəkar mahnıları “Naxçıvanım”, “Sən bağışladın”, və başqa mahnılar alqışlarla qarşılanıb. Konsertdə orkestrin ifasında instrumental musiqilər də səslənib.
Bir saatdan artıq davam edən konsert rayon sakinləri tərəfindən maraqla qarşılanıb.


Zülfiyyə HƏSƏNOVA
Məqalədə və ya saytda hər hansı bİr səhf var?

Mausla həmin mətni və ya həmin sahəni işarələyib CTRL+ENTER düymələrini sıxın.
Açılan pəncərədə tapdığınız səhf barədə saytın Baş Redaktoruna məlumat verin.
Diqqətiniz üçün təşəkkür edirik.

Haqqımızda

Oğuz Yurdu Qəzeti 2000-ci ildən Sədərək Rayon İcra Hakimiyyətinin nəzdində fəaliyyət göstərir. Qəzetin redaktoru Sərxan İsmayılovdur. Saytdakı və Qəzetdəki məlumatlardan istifadə edərkən müəllif hüquqlarının qorunması və sayta istinad mütləqdir. Bütün Hüquqlar Azərbaycan Respublikasının Qanunvericiliyinə Əsasən Qorunur.

Təq Buludu