Авторизация все шаблоны для dle на сайте newtemplates.ru скачать
 
  • 16:40 – Novruz bayramı münasibətilə ümumrayon tədbiri keçirilmişdir 
  • 13:45 – Rayon Uşaq-Gənclər Şahmat Məktəbində görüş keçirilmişdir 
  • 00:02 – Azərbaycanlılara qarşı ermənilərin soyqırım siyasəti 
  • 06:09 – Vergilər sahəsində maarifləndirici tədbirlər aparılır 

UĞURLU DÖVLƏT SİYASƏTİ SƏDƏRƏKLİLƏRİ SEVİNDİRİR

[xfgiven_gallery][xfvalue_gallery][/xfgiven_gallery]
“Bu yurd yerimiz hamımız üçün müqəddəs bir məkandır. Çünki ordan başlayır Vətən adlı məmləkətimiz. Coğrafi mövqeyi onun tarixi taleyinə mənfur düşmənlərimizlə qonşuluq qisməti yazıb. Yüz illər boyu özlərinin çirkin əməllərini gah gizlin, gah da aşkarda həyata keçirən daşnakların 1988-ci ildə yenidən üzə çıxan əsassız torpaq iddiaları, bu iddiaların yaratdığı məlum hadisələr sədərəklilərin sərhədçi ömrü yaşamaları ilə nəticələnib.
Ata-baba əmanəti olan torpaqlarımızın qorunması, düşmən tapdağına çevrilməməsi üçün bütün Naxçıvan ayağa qalxıb, Sədərək qəhrəmanlıqla qorunub, “Torpaq uğrunda ölən varsa, Vətəndir”, – deyib səngərlərə atılaraq “Təki Vətən sağ olsun” amalı ilə ölümün gözünə dik baxıb eloğullarımız. Bu mücadilədə sağlamlığını itirənlər də az olmayıb. Onlarla igidimiz isə şəhidlik zirvəsinə ucalıb”. Bu sözləri Sədərək kənd 2 nömrəli tam orta məktəbində söhbətləşdiyimiz müəllim Həsən Rzayev deyir. Xəyalımda o illəri canlandırmağa çalışıram.
1990-cı il avqust ayının 28-də muxtar respublikanın inzibati ərazi bölgüsünə rayon kimi daxil edilən Sədərəyi ümummilli liderimiz Heydər Əliyev “Qeyrət Qalası” adlandırırdı. 2002-ci ilin avqust ayında bölgə ictimaiyyəti ilə görüşən ulu öndərimiz demişdir: “Sədərək rayonunun Naxçıvan Muxtar Respublikasında, o cümlədən Azərbaycanda xüsusi yeri var. Böyük bir kənd olmuş və rayon statusu almış Sədərək həmişə bizim, Azərbaycanın ən kənar yerində, sərhəddə yerləşərək Azərbaycan torpaqlarını qorumuş, saxlamış və mərdlik nümunələri göstərmişdir. Mən indi qəsəbəni bu cür görəndə həddindən artıq sevinirəm. Çünki sizin, yəqin ki, xatirinizdədir. Vaxtilə 1977-1978-ci illərdə mən Azərbaycanın başçısı olduğum zaman kənddən aralı bu qəsəbənin salınması haqqında qərar verdim. Nə üçün kənddən aralı? Ona görə ki, o vaxtlar ermənilər yavaş-yavaş bu torpaqlara iddia edir, bu bizimdir, o bizimdir deyirdilər. Ona görə mən burada o vaxt bu qəsəbəni salmaq barədə göstəriş verdim. Layihələr hazırlandı, qəsəbə tikildi və sədərəklilərin bəziləri də buraya köçüb yaşamağa başladılar”.
Rayon ağsaqqalı, müharibə veteranı Cəlil Əliyevlə bir qədər yaxın keçmişə qısa ekskursiya edirik. Deyir ki, məlum hadisələr başlayandan sonra 1990-1993-cü illərdə ermənilər 14 dəfə Sədərəyə hücuma keçiblər. İlk döyüş 1990-cı il yanvar ayının 18-də olub. Həmin ilin mart ayında ermənilər Sədərəyə 300-ə yaxın top mərmisi atıblar, 500-ə yaxın evi, məktəb binalarını, ictimai-inzibati binaları, sosial obyektləri dağıdıblar. Həmin illərdə muxtar respublikamızın hər yerindən, həmçinin ölkəmizin 12 rayonundan Sədərəyə kömək gəlib. Döyüşlərdə 108 nəfər şəhid olub ki, onların 52 nəfəri rayonun yetirmələri idi.
Cəlil Əliyevlə söhbətimiz zamanı ulu öndərin sözlərini xatırlayırıq: “Muxtar respublikanın sərhəd kənd­ləri dəfələrlə silahlı təcavüzə məruz qalmışdır. Lakin biz hamımız yaxşı bilirik ki, əsas ağırlıq həmişə Sədərəyin üzərinə düşmüşdür”.
Yenə o illərə qayıdırıq. Güllə səslərindən qulaq tutulan, həyət-bacaları dağılan Sədərəkdə 1993-cü il avqust ayının 13-də axırıncı döyüşdə ermənilər “Qeyrət Qalası”nı qoruyan qeyrətli oğullara bata bilməyəcəklərini anlayıblar. Sədərək belə qorunub. Bu gün də qorunur. Özü də yüksək səviyyədə həm torpaq təəssübünü, yurd sevgisini hər şeydən üstün tutan sədərəklilərin, burada xidməti borcunu yerinə yetirən, sərhəddə ayıq-sayıq dayanan əsgərlərimizin hesabına, həm də dövlətimizin böyük qayğısı gücünə. Bu məqamda istər-istəməz ulu Dədə Qorqudun aforizmə çevrilmiş sözlərini xatırlayırsan: “Torpağı qorumursansa, becərməyinə, becərmirsənsə, qorumağına dəyməz”. Sədərəkdə torpaq həm qorunur, həm də becərilir.
Naxçıvan Muxtar Respublikası Ali Məclisi Sədrinin 2000-ci il 15 mart tarixdə imzaladığı “Sədərək rayonunun sosial-iqtisadi inkişafı haqqında” Sərəncamın əhəmiyyəti xüsusilə vurğulanmalıdır. Məhz bu sərəncam sərhəd bölgəsinin öz simasını tamamilə dəyişməsinə səbəb olub. Adıçəkilən sənəd imzalandıqdan sonra onun icrası istiqamətində görülən işlər, həyata keçirilən digər məqsədyönlü tədbirlər Sədərəyi müasir rayona çevirib. Bunu rayon həyatının bütün sahələrində görmək olar.
Rayon mərkəzi Heydərabad qə­sə­­bəsi düşmənin bir addımlığındadır və bu gün mənfur ermənilərə ən böyük gözdağıdır. Burada son illər­də müasir tələblərə cavab verən on­larla ikimərtəbəli yaşayış evləri, ra­yonun idarə, müəssisə və təşkilat­la­rı üçün inzibati binalar tikilib. Bu tədbirlər hər il də davam etdirilib.
Rayon sakinlərinin hansı ilə həmsöhbət olduqsa, onlara göstərilən diqqət və qayğıdan razılıqlarını bildirdilər. Sədərək kəndinin 96 yaşlı sakini, yurdsevər el ağsaqqalı Ələkbər Cabbarov söhbətinə 90-cı illərin əvvəllərindən başladı:
– Ulu öndərimizin həmin illərdə dəfələrlə Sədərəyə gəlməsi, bölgə sakinlərinə tövsiyələrini verməsi təkcə Sədərəyi deyil, bütün Naxçıvanı erməni işğalından qorudu. Bu gündən sabaha ümidləri olmayan sədərəklilər də dahi şəxsiyyətin ətrafında sıx birləşdilər, hər qaranlıq gecənin bir işıqlı gündüzü olacağına inandılar.
Bu gün qovuşduğumuz bu işıqlı həyat tərzi məhz Heydər Əliyev ideyalarının işığı hesabına mümkün olub... Bu işığın heç vaxt sönməyəcək ziyası sərhəd bölgəsini daha xoş sabahlara aparır.

Sərxan İSMAYILOV
[b][/b]
рейтинг: 
Оставить комментарий
  • Комментируют
  • Сегодня
  • Читаемое
Мы в соцсетях
  • Вконтакте
  • Facebook
  • Twitter