Авторизация все шаблоны для dle на сайте newtemplates.ru скачать
 
  • 16:40 – Novruz bayramı münasibətilə ümumrayon tədbiri keçirilmişdir 
  • 13:45 – Rayon Uşaq-Gənclər Şahmat Məktəbində görüş keçirilmişdir 
  • 00:02 – Azərbaycanlılara qarşı ermənilərin soyqırım siyasəti 
  • 06:09 – Vergilər sahəsində maarifləndirici tədbirlər aparılır 

2019-cu ilin yanvar ayında Sədərək rayonunun sosial-iqtisadi inkişafı

[xfgiven_gallery][xfvalue_gallery][/xfgiven_gallery]
Sədərək rayonunda iqtisadi və sosial sahələrin inkişafı üzrə həyata keçirilən tədbirlər cari ilin ötən dövründə də davam etdirilmiş, dinamik inkişaf qorunub saxlanılmışdır.
2018-ci ilin müvafiq dövrü ilə müqayisədə 2019-cu ilin yanvar ayında sənaye məhsulunun dəyəri 0,6 faiz, kənd təsərrüfatının məhsulu 1.6 faiz, informasiya və rabitə xidmətlərinin dəyəri 1,3 faiz, əhaliyə göstərilən ödənişli xidmətlər 0,3 faiz artmışdır.
Sədərək rayonunun sosial-iqtisadi inkişafının
əsas göstəriciləri
*) müqayisəli qiymətlər üzrə

Sənaye
Yeni istehsal və xidmət sahələrinin yaradılması, mövcud sənaye müəssisələrinin infrastruktur təminatının yaxşılaşdırılması bu sahənin dinamik inkişafını təmin etmişdir.
2019-cu ilin yanvar ayında Sədərək rayonunda 265 min 100 manat dəyərində sənaye məhsulu istehsal olunmuşdur ki, bu da 2018-ci ilin müvafiq dövründəki göstəricini 0.6 faiz üstələmişdir.
Tikinti-quruculuq və
su təchizatı tədbirləri
İnvestisiya qoyuluşları hər bir sahənin dinamik inkişafını sürətləndirən mühüm amillərdən biridir.
Sədərək rayonunda 2019-cu ilin yanvar ayında iqtisadiyyatın və sosial sahələrin inkişafı üçün bütün maliyyə mənbələrindən əsas kapitala 693 min 400 manat dəyərində vəsait yönəldilmişdir. İnvestisiya qoyuluşlarının 635 min 200 manatı və ya 91,6 faizi tikintiquraşdırma işlərində istifadə edilmişdir.
Kənd təsərrüfatı
Əhalinin ərzaq məhsullarına olan tələbatının keyfiyyətli yerli məhsullar hesabına ödənilməsi istiqamətində mühüm tədbirlər həyata keçirilməkdədir.
2019-cu ilin yanvar ayında Sədərək rayonunda diri çəkidə 12,8 ton ət, 43,5 ton süd, 121,2 min ədəd yumurta istehsal edilmişdir. 2018-ci ilin yanvar ayı ilə müqayisədə ət istehsalı 1,6 faiz, süd istehsalı 1,2 faiz, yumurta istehsalı 1 faiz artmışdır.
Sədərək rayonunda kənd təsərrüfatı sektorunda 81 min 500 manatlıq məhsul istehsal edilmişdir ki, bu da 2018-ci ilin yanvar ayı ilə müqayisədə 1,6 faiz çoxdur.
Nəqliyyat, informasiya və rabitə, energetika
Müasir nəqliyyat sisteminin qurulması, nəqliyyat sektorunun səmərəli idarə olunması istiqamətində ardıcıl tədbirlər həyata keçirilir.
2019-cu ilin yanvar ayında Sədərək rayonunda nəqliyyat sektorunda 2018-ci ilin müvafiq dövrü ilə müqayisədə yük daşınması 1.2 faiz, sərnişin daşınması 1,4 faiz artmışdır. Yük və sərnişin daşınmasından bütövlükdə 95 min 400 manat gəlir əldə edilmişdir ki, bu da bir il öncəki müvafiq göstəricidən 1.5 faiz çoxdur.
Ötən dövrdə informasiya və rabitə sahəsində yeni texnologiyaların tətbiqi bu sahə üzrə göstərilən xidmətlərin əhatə dairəsini genişləndirmişdir.
2019-cu ilin yanvar ayında Sədərək rayonunda informasiya və rabitə xidmətlərinin dəyəri 2018-ci ilin müvafiq dövründəki göstəricini 1,3 faiz üstələyərək 135 min 900 manat olmuşdur.
İstehlak bazarı
Səmərəli məşğulluq imkanlarının yaradılması əhalinin alıcılıq qabiliyyətini yüksəltmiş, əmtəə dövriyyəsinin həcmini genişləndirmişdir.
2019-cu ilin yanvar ayında Sədərək rayonunda əvvəlki ilin müvafiq dövrü ilə müqayisədə pərakəndə əmtəə dövriyyəsi 0,6 faiz artaraq 2 milyon 449 min 200 manata çatmışdır. Pərakəndə əmtəə dövriyyəsinin 3,9 faizini və yaxud 95 min 800 manatını iaşə əmtəə dövriyyəsi təşkil etmişdir ki, bu da 2018-ci ilin yanvar ayı ilə müqayisədə 0,4 faiz çoxdur.
Əhaliyə göstərilən ödənişli xidmətlərin dəyəri əvvəlki ilin müvafiq dövrü ilə müqayisədə 0,3 faiz artaraq 312 min 600 manata çatmışdır.Ödənişli xidmətlərin 18,4 faizi və yaxud 57 min 600 manatı məişət xidmətlərinin payına düşür ki, bu da əvvəlki ilin müvafiq dövrü ilə müqayisədə 0,4 faiz artmışdır.
Aparılan təhlillər göstərir ki, Sədərək rayonunda iqtisadi və sosial sahələrin inkişafı istiqamətində həyata keçirilən tədbirlər nəticəsində dinamik inkişaf təmin edilmiş, yeni istehsal və xidmət sahələri yaradılmış, əhalinin həyat səviyyəsi yaxşılaşmışdır.
Əmək haqqı. 2018-ci ildə Sədərək rayonunda muzdla işləyənlərin orta aylıq əməkhaqqı 499,4 manat olmuşdur ki, bu da 2017-ci ilin müvafiq dövrü ilə müqayisədə 110,9 faiz təşkil edir.
Ən yüksək orta aylıq əməkhaqqı dövlət idarəetməsi və icbari sosial təminat, daşınmaz əmlakla əlaqədar əməliyyatlar, kənd təsərrüfatı, meşə təsərrüfatı və balıqçılıq, topdan və pərakəndə ticarət, yaşayışın təşkili və ictimai iaşə sahələrində çalışan işçilərdə olmuşdur.
Əlavə olaraq qeyd etmək istəyirəm ki, əhalinin məşğulluğunun artırılması və yeni iş yerlərinin yaradılması sahəsində Sədərək rayonunda bir sıra tədbirlər görülmüşdür. Məhz bu tədbirlərin nəticəsində 2018-ci ildə Sədərək rayonunda 86 yeni iş yeri açılmışdır ki, bunun 86- da daimi iş yeridir.

Rayon Statistika İdarəsi
рейтинг: 
Оставить комментарий
  • Комментируют
  • Сегодня
  • Читаемое
Мы в соцсетях
  • Вконтакте
  • Facebook
  • Twitter